Краткие вечерние молитвы читать на русском языке. Молитвы на сон грядущим
Молитвы на сон грядущим
Во имя Отца, и Сына, и Святаго Духа. Аминь.
Молитва предначинательная
Слава Тебе, Боже наш, слава Тебе.
Молитва Святому Духу
Царю Небесный, Утешителю, Душе истины, Иже везде сый и вся исполняяй, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.
Святый Боже, Святый Крепкий, Святый Безсмертный, помилуй нас (трижды) .
Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.
Господи, помилуй (трижды) .
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.
Помилуй нас, Господи, помилуй нас; всякаго бо ответа недоумеюще, сию Ти молитву яко Владыце грешнии приносим: помилуй нас.
Слава: Господи, помилуй нас, на Тя бо уповахом; не прогневайся на ны зело, ниже помяни беззаконий наших, но призри и ныне яко благоутробен, и избави ны от враг наших; Ты бо еси Бог наш, и мы людие Твои, вси дела руку Твоею, и имя Твое призываем.
И ныне: Милосердия двери отверзи нам, благословенная Богородице, надеющиися на Тя да не погибнем, но да избавимся Тобою от бед: Ты бо еси спасение рода христианскаго.
Господи, помилуй (12 раз).
Молитва 1-я, святого Макария Великого, к Богу Отцу
Боже вечный и Царю всякаго создания, сподобивый мя даже в час сей доспети, прости ми грехи, яже сотворих в сей день делом, словом и помышлением, и очисти, Господи, смиренную мою душу от всякия скверны плоти и духа. И даждь ми, Господи, в нощи сей сон прейти в мире, да востав от смиреннаго ми ложа, благоугожду пресвятому имени Твоему, во вся дни живота моего, и поперу борющия мя враги плотския и безплотныя. И избави мя, Господи, от помышлений суетных, оскверняющих мя, и похотей лукавых. Яко Твое есть царство, и сила и слава, Отца и Сына и Святаго Духа, ныне и присно и во веки веков. Аминь.
Молитва 2-я, святого Антиоха, ко Господу нашему Иисусу Христу
Вседержителю, Слово Отчее, Сам совершен сый, Иисусе Христе, многаго ради милосердия Твоего никогдаже отлучайся мене, раба Твоего, но всегда во мне почивай. Иисусе, добрый Пастырю Твоих овец, не предаждь мене крамоле змиине, и желанию сатанину не остави мене, яко семя тли во мне есть. Ты убо, Господи Боже покланяемый, Царю Святый, Иисусе Христе, спяща мя сохрани немерцающим светом, Духом Твоим Святым, Имже освятил еси Твоя ученики. Даждь, Господи, и мне, недостойному рабу Твоему, спасение Твое на ложи моем: просвети ум мой светом разума святаго Евангелия Твоего, душу любовию Креста Твоего, сердце чистотою словесе Твоего, тело мое Твоею страстию безстрастною, мысль мою Твоим смирением сохрани, и воздвигни мя во время подобно на Твое славословие. Яко препрославлен еси со Безначальным Твоим Отцем и с Пресвятым Духом во веки. Аминь.
Молитва 3- я, ко Пресвятому Духу
Господи, Царю Небесный, Утешителю, Душе истины, умилосердися и помилуй мя грешнаго раба Твоего, и отпусти ми недостойному, и прости вся, елика Ти согреших днесь яко человек, паче же и не яко человек, но и горее скота, вольныя моя грехи и невольныя, ведомыя и неведомыя: яже от юности и науки злы, и яже суть от нагльства и уныния. Аще именем Твоим кляхся, или похулих е в помышлении моем; или кого укорих; или оклеветах кого гневом моим, или опечалих, или о чем прогневахся; или солгах, или безгодно спах, или нищ прииде ко мне, и презрех его; или брата моего опечалих, или свадих, или кого осудих; или развеличахся, или разгордехся, или разгневахся; или стоящу ми на молитве, ум мой о лукавствии мира сего подвижеся, или развращение помыслих; или объядохся, или опихся, или без ума смеяхся; или лукавое помыслих, или доброту чуждую видев, и тою уязвлен бых сердцем; или неподобная глаголах, или греху брата моего посмеяхся, моя же суть безчисленная согрешения; или о молитве не радих, или ино что содеях лукавое, не помню, та бо вся и больша сих содеях. Помилуй мя, Творче мой Владыко, унылаго и недостойнаго раба Твоего, и остави ми, и отпусти, и прости мя, яко Благ и Человеколюбец, да с миром лягу, усну и почию, блудный, грешный и окаянный аз, и поклонюся, и воспою, и прославлю пречестное имя Твое, со Отцем, и Единородным Его Сыном, ныне и присно и во веки. Аминь.
Молитва 4-я, святого Макария Великого
Что Ти принесу, или что Ти воздам, великодаровитый Безсмертный Царю, щедре и человеколюбче Господи, яко ленящася мене на Твое угождение, и ничтоже благо сотворша, привел еси на конец мимошедшаго дне сего, обращение и спасение души моей строя? Милостив ми буди грешному и обнаженному всякаго дела блага, возстави падшую мою душу, осквернившуюся в безмерных согрешениих, и отыми от мене весь помысл лукавый видимаго сего жития. Прости моя согрешения, едине Безгрешне, яже Ти согреших в сей день, ведением и неведением, словом, и делом, и помышлением, и всеми моими чувствы. Ты Сам, покрывая, сохрани мя от всякаго сопротивнаго обстояния Божественною Твоею властию, и неизреченным человеколюбием, и силою. Очисти, Боже, очисти множество грехов моих. Благоволи, Господи, избавити мя от сети лукаваго, и спаси страстную мою душу, и осени мя светом лица Твоего, егда приидеши во славе, и неосужденна ныне сном уснути сотвори, и без мечтания, и несмущен помысл раба Твоего соблюди, и всю сатанину детель отжени от мене, и просвети ми разумныя очи сердечныя, да не усну в смерть. И посли ми Ангела мирна, хранителя и наставника души и телу моему, да избавит мя от враг моих; да востав со одра моего, принесу Ти благодарственныя мольбы. Ей, Господи, услыши мя грешнаго и убогаго раба Твоего, изволением и совестию; даруй ми воставшу словесем Твоим поучитися, и уныние бесовское далече от мене отгнано быти сотвори Твоими Ангелы; да благословлю имя Твое святое, и прославлю, и славлю Пречистую Богородицу Марию, Юже дал еси нам грешным заступление, и приими Сию молящуюся за ны; вем бо, яко подражает Твое человеколюбие, и молящися не престает. Тоя заступлением, и Честнаго Креста знамением, и всех святых Твоих ради, убогую душу мою соблюди, Иисусе Христе Боже наш, яко Свят еси, и препрославлен во веки. Аминь.
Молитва 5-я
Господи Боже наш, еже согреших во дни сем словом, делом и помышлением, яко Благ и Человеколюбец прости ми. Мирен сон и безмятежен даруй ми. Ангела Твоего хранителя посли, покрывающа и соблюдающа мя от всякаго зла, яко Ты еси хранитель душам и телесем нашим, и Тебе славу возсылаем, Отцу и Сыну и Святому Духу, ныне и присно и во веки веков. Аминь.
Молитва 6-я
Господи Боже наш, в Негоже веровахом, и Егоже имя паче всякаго имене призываем, даждь нам, ко сну отходящим, ослабу души и телу, и соблюди нас от всякаго мечтания, и темныя сласти кроме; устави стремление страстей, угаси разжжения востания телеснаго. Даждь нам целомудренно пожити делы и словесы; да добродетельное жительство восприемлюще, обетованных не отпадем благих Твоих, яко благословен еси во веки. Аминь.
Молитва 7-я, святого Иоанна Златоуста
(24 молитвы, по числу часов дня и ночи)
Господи, не лиши мене небесных Твоих благ.
Господи, избави мя вечных мук.
Господи, умом ли или помышлением, словом или делом согреших, прости мя.
Господи, избави мя всякаго неведения и забвения, и малодушия, и окамененнаго нечувствия.
Господи, избави мя от всякаго искушения.
Господи, просвети мое сердце, еже помрачи лукавое похотение.
Господи, аз яко человек согреших, Ты же яко Бог щедр, помилуй мя, видя немощь души моея.
Господи, посли благодать Твою в помощь мне, да прославлю имя Твое святое.
Господи Иисусе Христе, напиши мя раба Твоего в книзе животней и даруй ми конец благий.
Господи, Боже мой, аще и ничтоже благо сотворих пред Тобою, но даждь ми по благодати Твоей положити начало благое.
Господи, окропи в сердце моем росу благодати Твоея.
Господи небесе и земли, помяни мя грешнаго раба Твоего, студнаго и нечистаго, во Царствии Твоем. Аминь.
Господи, в покаянии приими мя.
Господи, не остави мене.
Господи, не введи мене в напасть.
Господи, даждь ми мысль благу.
Господи, даждь ми слезы и память смертную, и умиление.
Господи, даждь ми помысл исповедания грехов моих.
Господи, даждь ми смирение, целомудрие и послушание.
Господи, даждь ми терпение, великодушие и кротость.
Господи, всели в мя корень благих, страх Твой в сердце мое.
Господи, сподоби мя любити Тя от всея души моея и помышления и творити во всем волю Твою.
Господи, покрый мя от человек некоторых, и бесов, и страстей, и от всякия иныя неподобныя вещи.
Господи, веси, яко твориши, якоже Ты волиши, да будет воля Твоя и во мне грешнем, яко благословен еси во веки. Аминь.
Молитва 8-я, ко Господу нашему Иисусу Христу
Господи Иисусе Христе, Сыне Божий, ради честнейшия Матере Твоея, и безплотных Твоих Ангел, Пророка же и Предтечи и Крестителя Твоего, богоглаголивых же апостол, светлых и добропобедных мученик, преподобных и богоносных отец, и всех святых молитвами, избави мя настоящаго обстояния бесовскаго. Ей, Господи мой и Творче, не хотяй смерти грешнаго, но якоже обратитися и живу быти ему, даждь и мне обращение окаянному и недостойному; изми мя от уст пагубнаго змия, зияющаго пожрети мя и свести во ад жива. Ей, Господи мой, утешение мое, Иже мене ради окаяннаго в тленную плоть оболкийся, исторгни мя от окаянства, и утешение подаждь души моей окаянней. Всади в сердце мое творити Твоя повеления, и оставити лукавая деяния, и получити блаженства Твоя: на Тя бо, Господи, уповах, спаси мя.
Молитва 9-я, ко Пресвятой Богородице, Петра Студийского
К Тебе Пречистей Божией Матери аз окаянный припадая молюся: веси, Царице, яко безпрестани согрешаю и прогневляю Сына Твоего и Бога моего, и многажды аще каюся, лож пред Богом обретаюся, и каюся трепеща: неужели Господь поразит мя, и по часе паки таяжде творю; ведущи сия, Владычице моя Госпоже Богородице, молю, да помилуеши, да укрепиши, и благая творити да подаси ми. Веси бо, Владычице моя Богородице, яко отнюд имам в ненависти злая моя дела, и всею мыслию люблю закон Бога моего; но не вем, Госпоже Пречистая, откуду яже ненавижду, та и люблю, а благая преступаю. Не попущай, Пречистая, воли моей совершатися, не угодна бо есть, но да будет воля Сына Твоего и Бога моего: да мя спасет, и вразумит, и подаст благодать Святаго Духа, да бых аз отселе престал сквернодейства, и прочее пожил бых в повелении Сына Твоего, Емуже подобает всякая слава, честь и держава, со Безначальным Его Отцем, и Пресвятым и Благим и Животворящим Его Духом, ныне и присно, и во веки веков. Aминь.
Молитва 10-я, ко Пресвятой Богородице
Благаго Царя благая Мати, Пречистая и Благословенная Богородице Марие, милость Сына Твоего и Бога нашего излей на страстную мою душу и Твоими молитвами настави мя на деяния благая, да прочее время живота моего без порока прейду и Тобою рай да обрящу, Богородице Дево, едина Чистая и Благословенная.
Молитва 11-я, ко святому Ангелу хранителю
Ангеле Христов, хранителю мой святый и покровителю души и тела моего, вся ми прости, елика согреших во днешний день, и от всякаго лукавствия противнаго ми врага избави мя, да ни в коемже гресе прогневаю Бога моего; но моли за мя грешнаго и недостойнаго раба, яко да достойна мя покажеши благости и милости Всесвятыя Троицы и Матере Господа моего Иисуса Христа и всех святых. Аминь.
Кондак Богородице
Взбранной Воеводе победительная, яко избавльшеся от злых, благодарственная восписуем Ти раби Твои, Богородице, но яко имущая державу непобедимую, от всяких нас бед свободи, да зовем Ти; радуйся, Невесто Неневестная.
Преславная Приснодево, Мати Христа Бога, принеси нашу молитву Сыну Твоему и Богу нашему, да спасет Тобою души наша.
Все упование мое на Тя возлагаю, Мати Божия, сохрани мя под кровом Твоим.
Богородице Дево, не презри мене, грешнаго, требующа Твоея помощи и Твоего заступления, на Тя бо упова душа моя, и помилуй мя.
Молитва святого Иоанникия
Упование мое Отец, прибежище мое Сын, покров мой Дух Святый: Троице Святая, слава Тебе.
Достойно есть яко воистинну блажити Тя, Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.
Слава Отцу и Сыну и Святому Духу, и ныне и присно и во веки веков. Аминь.
Господи, помилуй (трижды) .
Господи Иисусе Христе, Сыне Божий, молитв ради Пречистыя Твоея Матере, преподобных и богоносных отец наших и всех святых, помилуй нас. Аминь.
Молитва святого Иоанна Дамаскина
Владыко Человеколюбче, неужели мне одр сей гроб будет, или еще окаянную мою душу просветиши днем? Се ми гроб предлежит, се ми смерть предстоит. Суда Твоего, Господи, боюся и муки безконечныя, злое же творя не престаю: Тебе Господа Бога моего всегда прогневляю, и Пречистую Твою Матерь, и вся Небесныя силы, и святаго Ангела хранителя моего. Вем убо, Господи, яко недостоин есмь человеколюбия Твоего, но достоин есмь всякаго осуждения и муки. Но, Господи, или хощу, или не хощу, спаси мя. Аще бо праведника спасеши, ничтоже велие; и аще чистаго помилуеши, ничтоже дивно: достойни бо суть милости Твоея. Но на мне грешнем удиви милость Твою: о сем яви человеколюбие Твое, да не одолеет моя злоба Твоей неизглаголанней благости и милосердию: и якоже хощеши, устрой о мне вещь.
Просвети очи мои, Христе Боже, да не когда усну в смерть, да не когда речет враг мой: укрепихся на него.
Слава: Заступник души моея буди, Боже, яко посреде хожду сетей многих; избави мя от них и спаси мя, Блаже, яко Человеколюбец.
И ныне: Преславную Божию Матерь, и святых Ангел Святейшую, немолчно воспоим сердцем и усты, Богородицу сию исповедающе, яко воистинну рождшую нам Бога воплощенна, и молящуюся непрестанно о душах наших.
Молитва Честному Кресту
Знаменуй себя крестом и говори:
Да воскреснет Бог, и расточатся врази Его, и да бежат от лица Его ненавидящии Его. Яко исчезает дым, да исчезнут; яко тает воск от лица огня, тако да погибнут беси от лица любящих Бога и знаменующихся крестным знамением, и в веселии глаголющих: радуйся, Пречестный и Животворящий Кресте Господень, прогоняяй бесы силою на тебе пропятаго Господа нашего Иисуса Христа, во ад сшедшаго и поправшего силу диаволю, и даровавшаго нам тебе Крест Свой Честный на прогнание всякаго супостата. О, Пречестный и Животворящий Кресте Господень! Помогай ми со Святою Госпожею Девою Богородицею и со всеми святыми во веки. Аминь.
Ослаби, остави, прости, Боже, прегрешения наша, вольная и невольная, яже в слове и в деле, яже в ведении и не в ведении, яже во дни и в нощи, яже во уме и в помышлении: вся нам прости, яко Благ и Человеколюбец.
Ненавидящих и обидящих нас прости, Господи Человеколюбче. Благотворящим благосотвори. Братиям и сродником нашим даруй яже ко спасению прошения и жизнь вечную. В немощех сущия посети и исцеление даруй. Иже на мори управи. Путешествующим спутешествуй. Служащим и милующим нас грехов оставление даруй. Заповедавших нам недостойным молитися о них помилуй по велицей Твоей милости. Помяни, Господи, прежде усопших отец и братий наших и упокой их, идеже присещает свет лица Твоего. Помяни, Господи, братий наших плененных и избави я от всякаго обстояния. Помяни, Господи, плодоносящих и доброделающих во святых Твоих церквах, и даждь им яже ко спасению прошения и жизнь вечную. Помяни, Господи, и нас, смиренных и грешных и недостойных раб Твоих, и просвети наш ум светом разума Твоего, и настави нас на стезю заповедей Твоих, молитвами Пречистыя Владычицы нашея Богородицы и Приснодевы Марии и всех Твоих святых: яко благословен еси во веки веков. Аминь.
Исповедание грехов повседневное
Исповедаю Тебе Господу Богу моему и Творцу, во Святей Троице Единому, славимому и покланяемому, Отцу и Сыну и Святому Духу, вся моя грехи, яже содеях во вся дни живота моего, и на всякий час, и в настоящее время, и в прешедшия дни и нощи, делом, словом, помышлением, объядением, пиянством, тайноядением, празднословием, унынием, леностию, прекословием, непослушанием, оклеветанием, осуждением, небрежением, самолюбием, многостяжанием, хищением, неправдоглаголанием, скверноприбытчеством, мшелоимством, ревнованием, завистию, гневом, памятозлобием, ненавистию, лихоимством и всеми моими чувствы: зрением, слухом, обонянием, вкусом, осязанием и прочими моими грехи, душевными вкупе и телесными, имиже Тебе Бога моего и Творца прогневах, и ближняго моего онеправдовах: о сих жалея, винна себе Тебе Богу моему представляю, и имею волю каятися: точию, Господи Боже мой, помози ми, со слезами смиренно молю Тя: прешедшая же согрешения моя милосердием Твоим прости ми, и разреши от всех сих, яже изглаголах пред Тобою, яко Благ и Человеколюбец.
Или: размышление перед сном (по следованной Псалтири)
Прежде даже не возляжеши на одре твоем, сия вся помыслом и памятию твоей прейди.
Первие убо:
Благодарение воздаждь Вседержителю Богу, яко дарова тебе день мимошедший, благодатию своею, в живых и во здравии пребыти.
Второе:
Положи слово с самем тобою, и испытание сотвори совести твоея, преходя, и подробну исчитая вся часы дневныя, начен от времене, когда востал еси от одра твоего, и приводя себе на память: камо ходил еси; что творил еси; кому, и что собеседовал еси; и вся твоя деяния, словеса и помышления, от утра даже де вечера тобою произнесенная, со всяким опасением испытай, и воспоминай.
Третие:
Аще что благое в сей день сотворил еси, не от себе сие быти, но от Самаго Бога, вся благая нам дарующаго непщуя, тому сие восписуй, и благодари, и да тя в сем благом утвердит, и прочая совершити пособит и дарует, молися.
Четвертое:
Аще что лукавое соделал еси, от себе самаго, и от своея немощи, или лукаваго обычая и произволения сие происходити глаголя, кайся, и моли Человеколюбца, да тебе в том прощение даровати изволит, со обещанием твердым, яко сего прочее ктому уже творити не имаши.
Пятое:
Со слезами Творца твоего милостива моли, да настоящую нощь тиху, безмятежну, неблазненну и безгрешну дарует: день же утренний, на славословие имене его святаго, цело предварити дарует.
Когда отходишь ко сну, произноси:
В руце Твои, Господи Иисусе Христе, Боже мой, предаю дух мой: Ты же мя благослови, Ты мя помилуй и живот вечный даруй ми. Аминь.
Из книги Поучения автора Кавсокаливит ПорфирийУрок молитвы: Самый совершенный образ молитвы - молчание Самый совершенный образ молитвы - молчаливая молитва. Молчание!…Да молчит всякая плоть человеча…В молчании, тишине, в тайне происходит обожение. Там происходит самое подлинное (алитини) служение. Но чтобы
Из книги Что есть духовная жизнь и как на неё настроиться автора Феофан Затворник48. Как достигнуть надлежащей нерассеянной молитвы. Приготовление к должному отправлению молитвы Пишете, что никак не управитесь с мыслями, все отбегают, и молитва идет совсем не так, как бы хотелось; а днем, среди занятий и встреч с другими, почти и не вспомнишь о
автора Феофан Затворник516. Существенная сторона молитвы. Изменяемость домашнего правила. Дар непрестанной молитвы Милость Божия буди с вами! Д.М. Молитва, которую вы совершаете, внутренняя, от души, от себя, по чувству своих нужд духовных паче и других, есть настоящая молитва. И извольте
Из книги Письма (выпуски 1-8) автора Феофан Затворник895. Существо молитвы. Много ли внимания надо отдавать внешним приемам при совершении молитвы Милость Божия буди с вами! Молитва - дело внутреннее. Все, что при этом делается внешне, к существу дела не принадлежит, а есть внешняя обстановка. Все, что бывает будто хорошего от
Из книги 1115 вопросов священнику автора раздел сайта ПравославиеRuВ молитвах на сон грядущим не лучше ли перенести отпуст на самый конец правила? священник Афанасий Гумеров, насельник Сретенского монастыряНе только богослужебный устав Церкви, но и различные молитвенные правила сформировались в монастырях. С этим, повидимому, связан
Из книги 50 главных молитв на деньги и материальное благополучие автора Берестова НаталияМолитвы для получения благодатной помощи и поддержки. Молитвы Пресвятой Богородице Почитание Божьей Матери на Руси Поклонение Пресвятой Богородице как защитнице Русской земли и заступнице за русский народ – давняя традиция Христианской Руси.За тысячу лет Божья
Из книги Самые главные молитвы и праздники автора Автор неизвестенМолитвы при разлучении души и тела. Заупокойные молитвы Перед текстами поминальных молитв вспомним слова Иоанна Златоуста:Постараемся, сколько возможно, помогать усопшим, вместо слез, вместо рыданий, вместо пышных гробниц – нашими о них молитвами, милостынями и
Из книги 100 молитв на быструю помощь. Главные молитвы на деньги и материальное благополучие автора Берестова НаталияМолитвы для получения благодатной помощи и поддержки Молитвы Пресвятой Богородице Почитание Божьей Матери на Руси Поклонение Пресвятой Богородице как защитнице Русской земли и заступнице за русский народ – давняя традиция Христианской Руси.За тысячу лет Божья Матерь
Из книги Божья АПТЕКА. Лечение заболеваний позвоночника. автора Киянова И ВМолитвы,читаемые в болезнях и о болящих Молитвы ко Господу Иисусу Христу Тропарь Скорый в заступлении един сый, Христе, скорое свыше покажи посещение страждущему рабу Твоему (имя), и избави от недуг и горьких болезней, и воздвигни во еже пети Тя и славити непрестанно,
Из книги Сочинения автора Августин АврелийОбъяснение молитвы Господней у святого Киприана - свидетельство о пребывании. Первое прошение молитвы: Да святится имя Твое 4. Прочтите как можно внимательнее объяснение этой молитвы в книге блаженного мученика Киприана, которую написал он об этом предмете и которая
Из книги Семь смертных грехов. Наказание и покаяние автора Исаева Елена ЛьвовнаМолитвы на сон грядущим Во имя Отца и Сына и Святаго Духа. Аминь.Господи Иисусе Христе, Сыне Божий, молитв ради Пречистыя Твоея Матере, преподобных и богоносных отец наших и всех святых помилуй нас. Аминь.Слава Тебе, Боже наш, слава Тебе.Царю Небесный, Утешителю, Душе истины,
Из книги Молитвослов автора Автор неизвестенМолитвы на сон грядущим Во имя Отца, и Сына, и Святаго Духа. Аминь.Молитва предначинательнаяГосподи Иисусе Христе, Сыне Божий, молитв ради Пречистыя Твоея Матере, преподобных и богоносных отец наших и всех святых, помилуй нас. Аминь.Слава Тебе, Боже наш, слава Тебе.Молитва
автора аль-БухариГлава 248: О времени молитвы и преимуществе совершения молитвы в установленное время. 309 (521). Передают, что однажды, когда аль-Мугира бин Шу‘ба, находившийся в то время в Ираке, совершил молитву позже (начала установленного времени), к нему явился Абу Мас‘уд аль-Ансари, да
Из книги Мухтасар «Сахих» (сборник хадисов) автора аль-БухариГлава 268: (О запретности совершения дополнительной) молитвы после обязательной (утренней) молитвы, пока солнце не поднимется (достаточно высоко). 338 (581). Сообщается, что Ибн ‘Аббас, да будет доволен Аллах ими обоими, сказал: «(Многие) достойные люди, достойнейшим из
Из книги Мухтасар «Сахих» (сборник хадисов) автора аль-БухариГлава 458: О том, как пророк, да благословит его Аллах и приветствует, вставал ото сна для совершения ночной молитвы, и о том, какие ночные молитвы отменялись. 569 (1141). Сообщается, что Анас, да будет доволен им Аллах, сказал: «Бывало так, что посланник Аллаха, да благословит его
Из книги Вопросы священнику автора Шуляк Сергей8. В молитвах на сон грядущим не лучше ли перенести отпуст на самый конец правила? Вопрос:В последовании молитв на сон грядущим в большинстве молитвословов после молитвы святого Иоанникия "Упование мое Отец…" следует "Достойно есть" и отпуст, а затем ещё несколько молитв.
В нашей суетливой повседневной жизни мы редко останавливаемся хотя бы на минуту, чтобы лишний раз помолиться и поблагодарить бога за все то, что мы имеем. К огромному сожаленью с мы обращаемся только тогда, когда наступает критическая или трудная ситуация, тогда, когда не можем найти выход, и от безысходности наши руки опускаются. Жаль, может если бы мы чаще в нашей обыденной жизни обращались к создателю, возможно, было бы меньше проблем и сложностей. Одним из таких обращений после тяжелого рабочего дня является православная молитва на сон грядущий. Мало у кого возникает мысль помолиться перед сном, вместо этого мы пытаемся победить бессонницу, считая до сотни баранов или добравшись до кровати, падаем на нее и без всяких мыслей проваливаемся в пустоту.
Сила и мощь вечерней молитвы на сон грядущий
Краткая молитва на сон грядущий один из способов обратить внимание Бога на себя. Мы не знаем, что с нами происходит во сне и что означают сны, которые нам сняться и зачастую оставляют не очень приятные воспоминания и ощущения. Однако, если бы мы чаще молились перед сном, то Бог бы посылал нам отдых и помощь в решении многих неразрешенных проблемах. Дело в том, что, воспитывая нас в детстве, наши родители, которые сами в основном воспитывались в неверии и атеизме, не привили нам необходимость молиться, а ведь еще много веков назад считалось, что помолиться перед любым делом — это как осуществить обычный гигиенический ритуал, как умыться и почистить зубы. Если у вас нет времени посещать церковь, исповедоваться и читать молитвы ежедневно, но вы все-таки решили уделять общению с Богом хотя бы несколько минут перед сном, то православная молитва на сон грядущий будет вашим проводником и помощником.
Как читать лучшую молитвы на сон грядущий
Всего существует двадцать четыремолитвы на сон грядущий.Если текст многих этих молитв вам не особенно понятен, то начните с самой простой и доступной –молитва на сон грядущийИоанна Златоуста. А вот еще несколько сильных и доступных молитв, которые вы можете произносить перед сном:
Читать текст молитвы ко святому Ангелу хранителю на сон грядущим
Ангеле Христов, хранителю мой святый и покровителю души и тела моего, вся ми прости, елика согреших во днешний день, и от всякаго лукавствия противнаго ми врага избави мя, да ни в коемже гресе прогневаю Бога моего; но моли за мя, грешнаго и недостойнаго раба, яко да достойна мя покажеши благости и милости Всесвятыя Троицы и Матере Господа моего Иисуса Христа и всех святых. Аминь.
— Молитва 1-я святого Макария Великого, к Богу Отцу;
— Молитва Честному Кресту;
— Исповедание грехов повседневное;
— Молитва святого Иоанна Дамаскина;
— Молитва святого Иоанникия;
— Тропари.
Христианскую молитву детям на сон грядущим желательно произносить вслух или негромко, именно так как она написана, но если тяжело и не очень понятен текст, то можно и своими словами, главное без суеты, вдумчиво и искренне. Перед молитвой нужно расслабиться и попытаться отрешиться от всех мыслей и чувств, преследовавших вас целый день. В вечерней молитве на сон грядущий просите Господа о прощении своих поступков, о помощи, о придании вам сил и о том, в чем вы действительно нуждаетесь. В конце молитвы поблагодарите Бога и попросите благословения на сон и день грядущий. Вечерня молитва на сон грядущим, произнесенная в спешке, без осознания слов и вложения в них искренности не будет услышана, и не будет нести в себе никакой силы.
